約會

三個好弟兄相約飲下午茶，三點鐘，愛德橋路嘅麥當奴見，好!

三點鐘，大佬，大大佬先後出現，一路傾，一路等。。。

三點半，大大佬聯絡上大大大佬太太阿潔，阿潔說：＂佢話同你地飲咖啡，出咗去都有半個鐘。。。＂  

係咁，再等半個鐘，開始有啲擔心大大大佬去錯地方，奈何大大大佬沒有攜帶手提電話習慣，於是找遍列治文區的麥當奴餐廳，不果，已差不多兩句鐘。 

再致電大大大佬家，接聽電話的是大大大佬：＂喂。。。啱啱入門口。＂


＂我地約咗你係愛德橋路嘅麥當奴喎。＂大佬說。


＂我知。＂大大大佬回答。


＂咁你去咗邊間？＂


＂我去咗 Tim Horton。＂


＂約你去麥記，你去咗添記?!＂


＂因為我平時同阿潔係去添記下午茶。＂


＂。。。！！！＂