剛才做錯了什麼?

路上行車，見到警車，心言一定讓路，或墮後，或平排，避免超前或轉線，因為唔做唔錯，直到警車離開視線。。。為因怕佢唔知幾時睇唔順眼，無端端著燈響號叫停埋一邊，跟住唔知開邊瓣。。。

今天女兒把車送往車行維修，心言開另一車同往，接女兒一起午飯，一路上言談甚歡，來到食街亞歷山大路，見前面有警察站岡查車，於是轉右缐慢駛經過，誰知被洋女警示意停車，心言腦袋不停轉動：「剛才做錯了什麼?  轉線冇打燈?  唔係呀，右燈著咗重＂得得＂聲響緊喎，唔通有新例開車唔准同乘客傾計?」一頭霧水之際，只見洋女警微笑著打手勢示意要心言再駛前些，埋些。。。

心言打開車窗，洋女警禮貌地笑著說：＂扣上安全帶例行檢查，妳兩位都有扣上，可以離開啦。＂

＂啊，唔該!＂

來到餐廳頂樓停車場，見最埋邊有個停車位，要技巧地倒車才可泊到，女兒問心言真要泊嗎?  心言已用行動告知，並說：＂媽咪頭暈就唔得，依家冇事，個位咁難泊，唔係個個人泊到，唔好嘥咗個位。＂ 。。。

當心言拉正架車倒後入位之際，看著倒後鏡不禁失笑叫女兒同看，原來是「殘障」車位。

再等候泊車之際，告訴女兒剛才查車心中所想，笑得女兒說：＂媽咪今晚個 blog 咪好豐富囉!＂