一位專欄作家施小姐對一間位於 Hastings 的餐廳大力推介，說它門外經常站滿輪候的客人。。。說得這麼棒，有機會當然要一試。
一天，根據指示，輾轉找到餐廳。下午茶時間依然高朋滿座，向侍應生查詢施小姐特別推介的一道別具風味 brunch (早午餐）： 脆皮豬腩肉、薯仔、太陽蛋，侍應生說已經過了供應時間，建議試食一款「脆皮豬腩肉三文治」，另加薯仔小食。
等食期間跟侍應生閒聊，得悉餐廳早上九時開業，八時半已開始有食客排隊等候，店內供應早、午、晚餐，非繁忙時間：早上10-11時，下午2-6時。 鄰座美少女食客更告知常到此用餐，喜其地方簡樸，侍應親和有禮，美食琳琅滿目。
品嚐美食之後，的確別繞風味，只是「脆皮豬腩肉」嘛，不復年輕勇，可一不可再，因為利口不利腹!
等候賬單時，見一華裔長者到來，查詢跟心言一樣的問題，原來也是施小姐讀者，特別到訪，可惜 5 時已是晚膳時間，只有下次早上帶同太太再來。
圖文並茂，睇到口水都流。。。
回覆刪除網主的介紹肯定比施小姐的更加引人入勝！
AT
施XX 篇文章我都睇過，話間餐廳喺喜士定街間天天巿場斜對面＂R＂字頭吖嘛，我搵死都搵唔到！依家睇到張相我知邊度啦。間餐廳叫＂The Red Wagon＂，係＂T＂字頭唔係＂R＂字頭，天天市場喺街頭，餐廳喺街尾，所謂斜對面真係好斜啫！既然推介 ，大大方方講過名出嚟咪好囉，何必玩神秘，搞到個華裔長者白走一趟？！好似呀心言咁就好嘞，有嗰句講嗰句，有埋相睇，very good 啦，施XX真係要反省下至得！
回覆刪除鄧嬸
鬼佬「脆皮豬腩肉」？！
回覆刪除和中國人燒的比較，口感、味道如何？
好鍾意這一輯照片，特別是〝Ate Here〞。。。
很有色彩層次！您把牆壁的Texture都表現出來了:)
小黑
Dear Sum Yin,
回覆刪除Here is a story I heard about Brad Miller, the chef/owner of The Red Wagon.
Once upon a time, when Brad was a little boy, he and his pal used to hurtle down a granite rock face in Ontario in a red wagon. “Plummeting to our death,” is what it looks from adulthood, until one day the parents found out, and 〝that was the end” of this venture.
However, the symbolism hasn’t lost. Operating a restaurant is always a risky business. But this time, no parents are to stop Brad!
Thank you for sharing your experience :)
Esther
我手寫我口，我口寫我心。。。
回覆刪除心言札記，名不虡傳！
讚：）
呢位鄧嬸講得好中肯，我非常同意。
回覆刪除睇張相，舊豬腩肉真係好肥噃！
一個人食咁多嘢，容乜易食滯？
肥師奶
謝謝AT君留言，
回覆刪除有時間不防一試，親自品嚐!
謝謝鄧嬸留言，
回覆刪除可能施小姐回程方向，誤將天天超市作指示，
應該是對面的一家＂越成超市＂才是，
心言也來回兩轉街頭街尾才找著，亦因為太專注找＂R＂字頭，
找著也就特別要好好介紹給大家。：）
「鬼佬脆皮豬腩肉」的確別有一番風味，
回覆刪除皮脆肉軟，香草味適中，齒頰留香，不留渣宰，
略肥，但跟法式麵包正是最佳組合。
小黑謝謝您!
Esther,
回覆刪除謝謝您跟大家分享店東的故事!
請多來指教。：）
逸名君實在過譽，
回覆刪除心言汗顏，愧不敢當!
係呀，肥師奶，
回覆刪除心言就係食滯咗，
即到薬房買消化片。。。
真諗唔到鬼佬都喜歡食咁肥嘅燒腩肉!
回覆刪除心言都係處理照片時才留意到，
回覆刪除未見過早午餐時的脆皮豬腩肉，
如果都係咁肥，怕都食唔落。。。