小黑盡興的一個下午

午膳後，回家路上收到妺妹來電約飲下午茶!
心想時間尚早，可以先遛小黑。。。

天氣好，所以多遛了一條街。
回家路上，只見小黑已經伸脷喘氣，
用眼神告訴我：「夠皮啦，夠皮啦!」
當時的樣子引得我失笑!

鈴，鈴，鈴。。。

「喂心言，您喺邊呀?」
「啱啱遛完狗，返緊屋企！」
「噢，好耐冇見小黑，我哋想同佢去街街，行公園啫!」
「唔。。。等我飲完下午茶送小黑過嚟，好嗎？」
「不如我哋依家就嚟接小黑，您飲完茶先至送番佢俾您吖?」

於是，一進門我就立刻替小黑梳洗潔淨，
再執拾行裝：水，小食，洗臉、抹腳巾。

朋友仔夫婦高興地接走了小黑。

當然，最開心的還是有街去就永不言倦的小黑!

朋友仔夫婦送小黑回來時告訴我：

「小黑沿途伸頭出車窗吹風，我哋行完堤岸再到海邊狗公園，小黑東跑西遛，不亦樂乎，回程攰到伏喺我哋度郁都唔郁!」

小黑盡興的一個下午!
這個晚上，心言過得寧靜!  :)