小黑原本是一家韓國餐館店東所養母狗所生眾多小狗中的一隻，因為未能夠照顧周全而送了給店員。
不到一個月時間，店員又因為他的妹妹買了另外一隻白色小狗，兩隻只能留一隻，於是把小黑轉送了給我的兒子!
兒子偷運計劃成功，當時小黑得 9 個月大，只有 4、5 磅，活脫脫就是一隻來自俟賽俄比亞的狗...
超瘦兼超醜樣!
當時我說：「牠只能在這裡逗留三天！」
結果，一天天的過去。。。
「三星期好啦!」
又一天天的過去。。。
「最多三個月要送番俾人啦!」
到現在，小黑已經有六磅多, 足 5 歲!
相處下來，發覺小黑性格溫純，懂得對惡犬敬而遠之，平易近人，知道主人忙著，牠懂得獨處，兒子跟女兒忙於功課，牠會靜靜陪伴在側，看見您閒著，牠會拋玩具給您陪牠玩，如果您對牠說：「街街!」，牠會高興地叫著，跑著，然後靜靜地等您替牠套上狗帶，等待出門去街街!
小黑動若脫兔，儍似小豬，活潑似馬騮，
可愛似小熊，就是不像一隻狗。。。
心言姐姐：
回覆刪除毛毛蟲守住過網嚟睇阿小黑嘅故事，
終於都冇失望:)
睇完個Blog之後，想問個問題：
點解啲阿媽個個都係咁...
起初唔俾仔女養寵物，
結果自己就攬晒上身！
毛毛蟲
因為啲阿媽有自知之明：
回覆刪除話養或要養嘅都誓言旦旦話自己會盡責，
之後。。。
呢個要返工，嗰個要返學，佢要去街。。。
最後由佢地以為無所事事的阿媽做哂囉!
心言個人認為養小動物係一種承諾，
一定要有時間，要愛心無限!