今天欣賞了一場非常有水準的粵劇大匯演，服飾美輪美奐，業餘演出者有超水準的演出!
可惜主辦單位的工作人員讓人莫名其妙：
首先，演出期間，有工作人員隨意由台下行上台上進入虎度門，又有由虎度門行出來行落台下。
然後，其中一齣折子戲，個佈景幕兩邊有成尺幾兩尺虛位，台前正在演出，佈景幕後亦見工作人員行來行去，其中一個冇意識地踱步，有一個重望下啲觀眾（你見到人即便是人見到你，咁簡單的 common sense 都缺乏）。
差不多完場時，台上演出，遠遠傳來寒暄問好聲音，見有工作人員跟相熟觀眾熱烈高聲暢談，死未!
重有，啲英文人一早走哂，個司儀繼續中、英文介紹人物劇情，粵劇演出足六小時，都係第一次!
不過，最最難頂係演出期間，坐在隔鄰或後排的觀眾不時傳來讓人聽見的喁喁細語，騷擾到極至，佢地唔應該嚟睇戲，應該去咖啡室!
一枱戲攪成噉都算失敗！
回覆刪除仲要做比鬼佬睇？
真係失禮死人。
肥師奶
肥師奶，
回覆刪除當晚的演出的確精彩，
只是工作人員及幕後出現不應該犯的錯。。。
今次是某曲藝社跟溫哥華市政府合辦，
所以有7，8個外國人觀眾，
不過，演出無耐已離席。