＂嘩，有錢大晒咩！？＂
粵劇慈善夜演出圓滿結束，離開大劇院之際，身邊傳來議論之聲。。。
＂雖然話業餘要畀進步空間，要體恤，司儀就唔好話呢位演出者教佢什麼唱腔技巧、心得，場刊又寫佢十年情傾粵劇曲兿，師承朱XX，黃XX，經常中，港，澳門，美，加演出，交流切磋啦，今晚演出嘅曲目夠哂戲場，好唱兼易發揮。。。點知成首歌畀佢催快起碼分幾兩分鐘，唱歌又唔食線，滾花。。。唉，走晒音! 仲要成晚歌功頌德，佢係鑽石贊助又點啫？ 失禮晒佢啲咁出名嘅師傅，辛苦我哋啲耳根嘛，好心佢捐錢咪算囉!＂
＂還好在佢個拍擋企得住，雖然唱得似鬼婆唱大戲，都有啲刁蠻公主味!＂
。。。
呢個人抵鬧！
回覆刪除我哋買飛入場聽佢嘈喧巴閉真係 Hor Lau Yeah〔可怒也〕！
「面係人畀，架係自己丟」呢句話一啲都冇錯！個司儀人云亦云，亂發嗡風，班師傅教徒不善，通通都抵鬧之至！
觀眾甲乙丙丁
唉，我都有份聽...俾佢影響心情都唔係問題，不過叫佢練好d先出黎唱啦，唱功唔夠又要獻醜，仲有好心執下個款啦。係囉...捐錢咪算囉!
回覆刪除姑勿論怎樣，這位〝鑽石贊助〞人都算是捐了錢〝做善事〞，出乖弄醜是自取其辱，與人無尤！大家得啖笑好了，無需勞氣。
回覆刪除贊助還贊助，主辦機構收得人錢入場睇Show就有責任保障節目質素。我話呢個主辦機構不負責住就眞！應該要向佢地投訴！
回覆刪除肥師奶
所以你施捨的時候、不可在你前面吹號、像那假冒為善的人、在會堂裡和街道上所行的、故意要得人的榮耀...(馬太福音6:2)
回覆刪除＂司儀話呢位演出者教佢什麼唱腔技巧。。。走晒音仲要成晚歌功頌德＂ 即係個司儀擺明整古佢囉！司儀邊位咁大仇口呀？ 蒙妮妲
回覆刪除心言好醒!
回覆刪除甲乙丙丁君，各位逸名君，肥師奶，Crabapple, 蒙妮妲，
回覆刪除當藝術和善事扯上關係時，有時真是有理講不清。。。
主辦單位花盡心思，籌款多元化，對推廣藝術不遺餘力，
贊助善款更是多多益善，造成演出者參差不齊，
浪費了被請遠道而來的超水準職業演出者，弄巧成拙!
師傅教徒不善⋯
可能師傅都有本難念的經!
有啲您有您教，佢有佢自以為是。
有啲係資質問題，點教都十年如一日。
有啲係唔話得佢，一話就嬲。
所以名師能遇上高徒，相得益彰，可喜可賀!
觀眾買票入場，有要求是應當的!
演出者要過得自己，過得人，以盡全力。
自以為是，拙劣演出，以為娛己娛人，
只是出醜在人前!
司儀：現場節目主持人，
並非佈幕、點綴，
不可是旦求其噏，言過其實!
以上純屬愚見，如有開罪，請見諒!
多謝各位留言!