甜蜜蜜

一對韓國男女來到櫃台選購指環，期間查詢折扣優惠，心言建議顧客申請本公司信用咭，零年費，全日享有八五折優惠，有儲分計劃並時有不同時段顧客優惠。。。

＂好哇，我哋會各人開一張新咭，他給我買介指，我給他買!＂ 女的甜甜地說。

＂好浪漫啊，係 special occasion?" 心言不禁問。

＂我哋結婚!＂

＂恭喜!  恭喜!＂

揾工難

經理今天跟心言說：＂四月份公司需要妳上班的時間比較多。＂

＂無問題，要返長工都得，因為兒女都大啦!＂心言笑著回答。

＂兒女多大?＂

＂24 和 22 歲。＂

＂我 29歲！ ＂

＂經理您年青有為。 現在年輕人都揾工難，女兒自去年10月畢業到現在也找不著工作，她的好朋友上個月去了多倫多工作，都說溫哥華難搵工。。。＂

＂妳女兒讀那一系?＂

＂Business - marketing。＂

＂我都係喎，叫佢搵行政管理職位，搵工要有策畧，嘗試求 100 份好職位，可能只有一個機會，求 100 份普通職位，可能有好多機會，但係難上位。。。＂

＂啊。。。＂

＂咁啦，揾日妳唔使上班，同女兒嚟行公司，我同佢傾兩句，同時預備一份好的求職履歷，可以為她參詳。＂ 見心言消化著他的說話，經理體恤地微笑說。

＂真的可以嗎?!  那下星期一心言不用上班，什麼時間會比較適合?＂

＂下午三時吧。＂

＂好，一言為定，謝謝您!＂

經理真好!

神釆飛揚

昨天去剪頭髮，髪型師 B 君有感而發：＂妳今次精神咗，好有神釆!＂

＂可能係最近多咗打波吧。＂

＂打乜嘢波?＂

＂舊年十二月頭開始，得朋友鼓勵參加乒乓球活動，依家一星期打兩三次。＂

＂噫，我都有興趣喎，妳去邊個場館呀?＂

＂我去 Oval,  嗰度有16 張枱，打波嘅都好友善，有興趣咪過嚟，試吓喜唔喜歡囉。＂

。。。

適當飲食，適量運動，心平氣和，神采飛揚!

謝謝您們：多米尼及朋友們對乒乓球的推廣和鼓勵!

有個 Waitress 係一個女人

媽媽和大弟剛從香港旅遊返回温哥華，替心言帶回一些物品。妹子相約心言去取回物品然後一起外出吃晚飯。

大家相量到何處晚飯，心言建議唔嫌遠可到 W. Broadway 嘅長城飯庒，價廉物美，有個 waitress 係一個女人。。。

＂家姐，waitress 梗係女人啦，唔通係男人，您真係好攪笑!＂妹子失笑打斷心言說話。

＂Waitress 可以係十幾廿歲後生女，三十幾四十歲、五、六十歲嘅女人喎。佢俾我好深刻印象，介紹食物恰到好處，對客人親切有禮，敬業樂業，不過都幾年冇去，唔知重有冇返工。。。＂

＂咁一於去長城飯庄啦。＂

來到飯店，喜見女侍應正招呼著一枱客人，之後過來招呼，難得還認得心言。心言介紹弟妹認識並盛讚其超級服務態度。。。

弟弟茹素，她為我們安排：素酸辣湯，香茜豆干，蓮藕百合抄荷芹，小籠包，煎素餃。。。

意猶未盡，加了個擔擔麪，奉送芒果布甸!

其間，女侍應告知，原來她已經辭工半年。今天因為飯店缺人手，老板請她回來幫工，和我們真是有緣。 她現在正職在隔鄰酒店附屬餐廳工作，因為福利好又能夠惠及家人，並對心言說如有朋友需要入住酒店，可以用員工價代訂酒店房間!

不知不覺間，大家交了朋友!

瞓唔醒

兒子昨天工幹回來，今天不用上班。

早上見兒子半醒，問他可否送心言到 Oval 打乒乓球，兒子說可以，於是起行。 

汔車到了球會正門對面馬路停下。。。

心想：兒子在交通情況許可下，應該會把車轉到對面才讓心言下車吧？

誰知道，兒子反過來奇怪媽咪為什麼還未下車。。。

＂嗄，你唔係等冇車轉過對面俾媽咪落車咩?!＂

＂噢，對唔住，媽咪，我未瞓醒。＂兒子尷尬地笑說。

平時兒女送心言外出，雖然心言說不必送到門口，他們總是不怕麻煩，送心言到最近的位置落車的。

回到家裏告知女兒，女兒笑著投訴哥哥粗心大意，兒子自知失禮，只有尷尬地陪笑。

剛才做錯了什麼?

路上行車，見到警車，心言一定讓路，或墮後，或平排，避免超前或轉線，因為唔做唔錯，直到警車離開視線。。。為因怕佢唔知幾時睇唔順眼，無端端著燈響號叫停埋一邊，跟住唔知開邊瓣。。。

今天女兒把車送往車行維修，心言開另一車同往，接女兒一起午飯，一路上言談甚歡，來到食街亞歷山大路，見前面有警察站岡查車，於是轉右缐慢駛經過，誰知被洋女警示意停車，心言腦袋不停轉動：「剛才做錯了什麼?  轉線冇打燈?  唔係呀，右燈著咗重＂得得＂聲響緊喎，唔通有新例開車唔准同乘客傾計?」一頭霧水之際，只見洋女警微笑著打手勢示意要心言再駛前些，埋些。。。

心言打開車窗，洋女警禮貌地笑著說：＂扣上安全帶例行檢查，妳兩位都有扣上，可以離開啦。＂

＂啊，唔該!＂

來到餐廳頂樓停車場，見最埋邊有個停車位，要技巧地倒車才可泊到，女兒問心言真要泊嗎?  心言已用行動告知，並說：＂媽咪頭暈就唔得，依家冇事，個位咁難泊，唔係個個人泊到，唔好嘥咗個位。＂ 。。。

當心言拉正架車倒後入位之際，看著倒後鏡不禁失笑叫女兒同看，原來是「殘障」車位。

再等候泊車之際，告訴女兒剛才查車心中所想，笑得女兒說：＂媽咪今晚個 blog 咪好豐富囉!＂

何樂而不為

昨天才知道原來這星期可以自由穿著返工，不一定要黑衣、黑褲，今天是最後一天。

於是將白色、米色、深、淺啡色配搭得宜的衣著、手袋及鞋履穿帶身上，一丁點兒黑色也沒有，去到教會，姊妹們都說好看，午飯後上班。。。

妹子陪同媽媽到珠寶部找心言買東西，見著心言不一樣的穿著，非常奇怪，於是告知原因，換來讚美，妹子更想買同款的上衣。。。

放工時，於衣帽間，一位男洋同事對心言說："I like your outfit and nice shoes!"

"Thank you!"  心言報以微笑並答謝。

哈哈，看來心言要繼續買靚嘅平東西，可以開心又美麗，何樂而不為!