服務員

今天，有兩位國內朋友仔 R 和 J 到訪，共晉晚餐，席間談笑風生。

J 説：“中、港文化，互相影響，例如：「服務員，埋單！」而唔係「結賬」。”

“哈哈，aunty 想起一套電視劇的主角一叫「服務員」立即變面，好好笑。”心言笑説。

“所以國內普遍的服務員都唔開心，面上少有笑容！”兒子說。

“點解？”心言奇怪地問道。

“成日俾人喝，重要大聲喝喎！”J 説。

“係呀，返工日日不停俾人叫，俾人大聲喝，點會有笑容？！”兒子接著說。

“咁你點呀？”心言問兒子（曾到北京留學一年）。

“我初初都好唔習慣，覺得冇禮貌，於是舉手示意，結果係冇反應，就算見到，服務員只會望吓你，係完全唔理會亦唔會埋嚟招呼你，於是久而久之，就要大聲或喝聲叫「服務員」，因為細聲，冇人睬你！”

“咁你哋咪叫到好似玩咁囉？”心言想像著。

“初初好似玩咁，後來，叫叫吓，習慣咗，因為唔係咁，係冇「服務員」會睬你嘅！”