狼狽

夜班後回到家裏弄飯，邊做菜邊洗器皿。。。

噫，為甚麼水溫暖暖的?

飯後，到 boiler room 查看。。。hot water tank、所有喉管都是涼涼的。。。

時近 10pm,  即聯絡水電維修員，未果。。。

＂冇熱水，冇涼沖，點算?＂

＂去 Brian 仔度吖?!＂兒子說。

。。。＂Oval 閂幾點?＂

＂11 點!＂兒子查看後答道。

心言爭取時間，立即執拾所需物品前往 Oval 體育館。

差不多去到體育館才想起冇帶毛巾，冇時間返回，心想，就用帶來的缐衫吧。

＂嘟＂ 用咭入了停車場。

＂ 您好!＂跟 counter 員工打完招呼，＂嘟＂。。。個閘唔開嘅?

＂妳張會員咭過期?＂員工問道。

＂唔會呀，我入到停車場閘喎!＂

＂妳的會藉暫停?＂員工查看後說。

心言才想起旅行前將會藉暫停。。。＂咁，暫停期間，一次都唔用得?＂

員工搖頭示意。

＂其實，我家中突然冇熱水，我只想入內沖涼。。。＂心言尷尬地說。

＂只此一次通融!＂

＂謝謝您!＂心言喜極。

。。。＂唔好意思，未去過浴室，應該怎樣走?＂

＂轉右直行。＂

來到浴間，才知道冇皀液，唔緊要啦，用洗面奶吧，然後，其中一間竟然有全新的洗髮、䕶髪素!

然後，開唔到水，點算? 再查看。。。最後，轉去傷殘格，應該有水啩。。。都係開唔到水，點算？!

最後，係掣都按下扭下，終於有水!

然後，搽護膚品時，才知道用了 body serum 來洗面和洗身。。。

烏龍兼狼狽的心言向員工道謝，歡歡喜喜的回家往!