讓手袋坐一個位，司空見慣，因為留位有之，因為坐得舒服有之，供過於求無所謂，坐位緊逼時自動調節，讓出位子!
用手袋、衣服留位唔出奇，用人身霸車位才真霸道，心言見識過!
若干年前，有一次去到一個唐人商場，見到有車位，於是扭軚轉入車位，誰知跳出一個女人叫嚷著：＂呢個車位我有車嚟緊泊!＂
咁都得?
心言當年無有怕，話之你，將架車慢慢向前駛，睇你驚，定我怕。。。
終於，個女人自己彈開。
最近，有朋友遇到同類事件，選擇駛開另找車位，理由係：好男不與女鬥!
2012年8月31日星期五
2012年8月30日星期四
2012年8月29日星期三
甜心‧心甜
"哥哥，妹妹 8 點放工，等埋一齊食飯，好嗎？＂ 心言問兒子。
＂今晚打冰上曲棍球，我 7 點半要出門口。。。＂
＂咁煮碟頭飯，蕃茄免治牛肉飯加煎蛋，您早啲食，媽咪等埋妹妹一齊食。＂
＂啊，唔該!＂
。。。7 時 45 分，＂咦，哥哥，仲未出去？＂
＂噢，攪錯咗，打 9 點半，8 點半至出去!＂
。。。8 時 15 分，女兒返抵家門，
＂食得飯啦，妹妹。＂
＂媽咪，我唔喺度食喎，昨晚已跟您說了!＂
＂啊，係咩?!＂ 心言在想。。。
＂妹妹，don't be so mean, 媽咪等埋您至食飯!＂ 兒子說。
＂哥哥您食咗嗱？＂
＂係呀，我去打波，媽咪話佢等您!＂
＂噢，媽咪。。。I love you, 我洗完手陪您食飯!＂
＂唔使啦，您出去食飯，唔使陪我，係媽媽無記性!＂
＂唔得，我想陪您食!＂
＂都話唔使咯!＂
＂唔得，我要食!＂
＂咁好啦，畀一啖飯您啦!＂ 誰知女兒再添一口飯，＂食肥您呀，食完出去又食!＂ 心言取笑女兒。
＂鍾意食您煮嘅嘢，出去食少啲囉!＂
：）
2012年8月28日星期二
2012年8月27日星期一
好老闆
上班期間，閒談中問老闆：＂電子錶無電，您會去邊度換電池?＂
＂我自己換囉!＂ 老闆笑著回答，＂您有錶要換電池?＂
老闆好學多才，珠寶鑑証文憑，燕梳，地產經紀代理牌照，日文。。。
原來仲識得換手錶電池!
＂以前將手錶拿去相熟的鐘錶修理鋪換電池，通常收費在 $10 之內，上次拿兩只錶去，其中一只他要收我 $25，另一只也收 $9.8，還說：' 唔換請下一位! ' 於是帶走啲錶去找另外一個鐘錶修理商，誰知佢逢星期一休息，我又無記性，連續兩次都係星期一去摸門釘。。。＂ 心言訴說著。
＂無問題，我以前喺香港開過鐘錶鋪，有工具，又有物料，可以幫您!＂
＂噢，太好了，謝謝!＂
＂聽日記得帶嚟，幫您換晒新電池!＂
＂要收番錢喎!＂
＂得啦，請我食點心啦!＂
2012年8月26日星期日
2012年8月24日星期五
2012年8月23日星期四
2012年8月22日星期三
2012年8月21日星期二
2012年8月20日星期一
2012年8月19日星期日
2012年8月17日星期五
2012年8月16日星期四
2012年8月13日星期一
2012年8月12日星期日
2012年8月10日星期五
喜歡小黑的朋友，謝謝您們！
這幾天小黑的健康每況愈下，昨天替牠驗血的報告說血小板很低，內臟功能萎縮，是時候讓牠離開了。。。
女兒特別請假一天跟兒子和超超帶著小黑到公園玩，晚飯後兒子又跟女兒帶小黑和一位想見小黑的朋友見面。
趁著這個時間心言馬上吸麈抹地，把房子弄得乾乾淨淨。。。想小黑回來時感覺環境舒適。
小黑回家，我問女兒：＂如果媽咪想替小黑冲涼，會唔會好過份?＂
＂好呀，同佢冲涼，小黑喜歡乾凈!＂女兒眼睛都紅了。
剛替小黑修剪、清潔，吹乾毛髮，兒子跟女兒的一班朋友到來探望小黑，將牠圍著，抱著。。。知小黑兩天沒有進食，都嘗試引小黑吃小食，終於成功一小片、一小片的讓小黑吃了一整片鴨肉乾! 跟著更集體陪小黑行街街。。。
喜歡小黑的朋友，謝謝您們。。。
小黑是知道的!
圖片：來探小黑的朋友
2012年8月8日星期三
2012年8月3日星期五
2012年8月2日星期四
訂閱：
文章 (Atom)