用心良苦的老闆

對心言嘅至愛茶餐廳，朋友間頗有微言!

＂凍飲另加 $1.45 好貴啫!＂
心言會覺得冷飲無益，
老闆其實係鼓勵大家健康飲食！

起碼有兩位唔同圈子朋友向心言投訴
說付賬時被老闆話俾唔夠貼士!
心言覺得內中定有誤會，
因為兩位朋友都是大方得體之人，
一定係唔知點解計錯數!

＂外賣盒每個 $0.50＂
環保嘛，唔好眼濶肚窄，
食幾多，叫幾多，
要麼，自備器皿!

睇得出老闆其實用心良苦，
因為對顧客亦異常優惠，
例如：
每日下午六時入座起計，
單價超過 $18 附送點心（數款任擇其一）；
單價超過 $42 附送點心 （數款任擇其二），如此類推；
單價超過 $20 可以優惠半價點指定其中一款餸菜；
天天不同冰凍食品三折至六折優惠；
預訂指定餸菜，越早訂，折頭越多!

朋友，啲數字遊戲，係咪幾好玩呢?!
：）