甜心、甜品

跟朋友看完戲回家的女兒，也帶著窩心的甜品給心言。。。

荔枝椰果冰、楊枝甘露、芒果什錦冰。。。

甜品吃了兩個晚上。

謝謝妳，甜心!

He likes to speak English!

心言返工樂趣多。。。

遇上飲完茶，食完晏的太太們，來到珠寶首飾部消磨時間，看這試那，有時，佢哋會話：＂唔好意思，浪費妳時間！＂  心言會答：＂唔會，我哋嘅時間係俾客人嘅，睇見喜歡嘅就試，又唔使錢，人多好幫眼，喜歡才買，今次睇唔啱，下次再來。。。＂ 然後，成班太太談笑風生!

遇上因為折扣問題，同來的朋友肯為朋友開新的信用咭，信用額 $3,500 。 然後，本來只想買一只半價後再八五折之後 $500 的介指，這朋友快、狠、準地足額用盡 $3,500!  心言也感染到客人的滿足感!

又遇上國內客人的丈夫實習英語，心言禮貌地用國語跟不太諳英語的太太溝通時，身旁的丈夫總會答上英語，離開時，跟喜歡實習英語的先生再說上兩句英語道別，然後說：＂He likes to speak English!"  樂得客人夫婦不可支!

還有很多。。。

打眼色

兩位貌似姊妹的客人選購手錶送給姪兒作畢業禮物，心言作出適合介紹後，年長些的客人拿著推廣單張問除七五折後，還可以用價值 $20 的優惠券嗎?  心言說可以，計算好價錢，再問：＂請問您是否已經有 $20 的優惠券?＂

＂不是推廣單張上這張嗎?＂

＂不是，是當閣下消費稅前 $75，公司送您一張 $20 的優惠券，然後稅前 $50 可用這 $20 優惠券。＂

＂咁咪即係矇騙顧客，我最憎這種手段!＂年長些的客人即時發難。

＂對不起讓您誤會，推廣單張上寫得很清楚，請您再看一遍這上面寫著。＂

＂這是誤導!＂仍然不滿意的客人繼續發難。

＂不如我哋再行下，然後至決定吧!＂年輕些的客人歉意地向心言打個眼色，讓姐姐一個下台階。

＂好呀，先謝謝您們，有需要的話，請再找我！＂心言馬上配合，微笑著說。

另類面試

＂媽咪，得唔得八月我朋友 Grace 去旅行時，佢隻狗寄養喺我地屋企一個月?＂女兒輕聲地問。

＂唔得，到時妳同我都返工，哥哥成日都忙。。。＂心言堅決地回答。

＂媽咪，佢好乖，好識做狗!＂

＂好識做狗?!＂

＂即係話佢好乖，好乖，well-trained,  唔會扭計，唔會煩您，您會好鍾意，好錫佢。 仲有，佢跟小黑一樣，係 poodle,  金啡色，好靚架，媽咪。。。＂

＂咁幾重，幾多歲呀?＂

＂佢嚟 interview 時，您問佢吖!＂

＂嗄，同隻狗 interview?!＂

對不起

＂喂，安妮，我好開心賣咗嗰條四折咗都七千幾嘅白金項鍊!＂興奮的心言說。

＂仲有冇特別嘅事?＂安妮平和地問。

＂啊，其實係經理叫我搵人返嚟緊星期二 3:15-7:15pm 嗰更，part-time 嘅 Larisa 唔得，我想問咗您先。。。啱啱賣咗條咁難賣嘅鍊，好開心，想同您分享，唔好意思。＂

＂星期二我唔得。＂

＂咁好啦，唔該，拜拜!＂

＂拜拜!＂

收缐後反思：係咪自己太興奮。。。安妮好好人嘅，梗係有事在身，趕著出門吧。。。

今天上班，安妮見到心言，立刻迎上前說：＂對不起，昨天妳來電時，趕著跟家人出外。。。＂

＂啊，唔緊要，我想妳一定是有事在身，或者趕著外出吧，我唔好意思就真!＂

＂當時冇時間解釋，想起妳咁開心，我咁冷淡，怕妳誤會!＂

＂唔會，唔會，多謝妳!＂

＂呀，重有，星期二個更，我可以返，我睇過真係冇人返得!＂

＂好呀，好呀!＂

食得早

"媽咪，您同妹妹 5 pm 來餐廳，到時見!＂兒子下午三時來電。

去到 Oyster Bar, 雖然是是下午五時，卻已經座無虛席，原來六時前，生蠔特價每只一元。

兒子作東道，非常慷慨，先叫三打生蠔、mussel、海鮮沙律、蟹餅，周打海鮮湯，後加炸蠔、海鮮燴意大利粉，吃得不亦樂乎，心言說：＂媽咪留著肚子吃你請的這頓飯!＂

＂我都冇食晏!＂女兒跟兒子竟然齊聲和應。。。

嘩，好在食得時間早!

無端端，做餐懵！

原本計劃漁人碼頭一遊後與金英外出晚飯。

誰知。。。抵不住海膽誘惑（$5一袋），教埋點整 sashimi。

於是走去買了妹仔大過主人婆嘅 wasabi 和日本鼓油。

然後，不如返屋企弄飯，再買多一塊魚。

回到金英家裏，拆開海膽。。。

發覺質素只可抄蛋，不可生吃，唔怪之得買$5。

於是再到超市買蛋。。。

跟住，妳眼望我眼，齊聲笑說：＂無端端，做餐懵!＂

不過，享受著斜陽晚宴，又樂在其中!