有驚無險

今天約了朋友午飯，路上險遭意外！

事緣有一輛大 SUV 無打燈忽然切線向我逼過來，當時前面有車，右邊無路，只有三兩秒差距就會被撞！能夠做的只有一面大力按喇叭，一面繼續全速前進。。。

感謝主! 心言總算有驚無險。

經常教導兒女路上開車不單止自己要小心，更要小心別人的不小心。。。

身歷其境，要臨危不亂，不容易啊!

與人方便有幾難？

揸車搵位泊。。。

有冇試過揸住架車搵位泊，等咗好耐，轉咗好多個圈，終於見到有人揸住揪鎖匙攞車咁嘅姿勢，然後您充滿希望咁慢車跟住，而佢一啲反應都唔畀您，開車門攞咗啲嘢，閂車門再施施然行開，望都唔望下您？

心言每次到停車場取車，遇見有人搵位泊車，總會溫馨提示方向位置；如果只是放回物品，會示意並非取車，好讓人家去找別的泊車位。

與人方便心舒暢，有幾難，有幾麻煩?!

即食薯蓉

＂哥哥，今晚焗雞腿，想配飯定煎蕃薯?＂心言問兒子。

＂。。。媽咪，您想食薯仔沙律定薯蓉? 我去買!＂

＂咁您去買薯仔回來弄薯蓉啦。＂

期間，心言煲定煲水，兼且打電話問朋友點做薯蓉。。。

因為心言從未做過!

兒子進門，心言打開購物袋，唔見有薯仔，只見一盒東西及一些水果。

＂您唔記得買薯仔定漏喺車度?＂

＂媽咪，呢盒咪係薯蓉。＂

＂嗄。。。＂心想真薯蓉好食啲喎!

＂一樣好食嘅，等我做啦!＂兒子笑說著走進廚房。

哈，難得兒子下廚!

意外驚喜是：啲薯蓉唔難食喎!

欲罷不能

今天午飯後約了妹子趕去會展中心，因為某時裝品牌在那裡有一個大型的 warehouse sale。

今日是 sale 最後一天，又逢假日，所以客似雲來!

場館內貨品滿佈，雖然雜亂，無減各人購物興致，滿場揀選適合貨品。

在共用的試身室內，各人忙著試穿之餘，要小心被人拿去自己，已揀選或未試穿的衣物。。。

＂唔好意思，呢啲衫係我哋嘅!＂心言跟妹子不下三次向嘗試拿走我們衣物的人說。

員工在試身室內將客人試過的衣物整理好再推回場中，所以客人亦會貪方便再在試身室內整理中的架子揀選。

心言在離開試身室途中就試過兩番選中衣物給妺子，還笑說：＂行極都行唔到出去!＂

最後結賬時大排長龍。

排隊時，心言仍然可以在一旁的枱面貨品中找到一頂帽子 $65，減至 $9.9，妺子說：＂好看啊，也給我拿一頂，唔該!＂

簡直是欲罷不能!

有乜嘢可以幫到您?

＂喂，忙唔忙呀，有啲嘢想請教您。＂ 朋友 E 來電。

"唔忙，有乜嘢可以幫到您?＂

＂我有件衫唔識點洗，65% rayon...要乾洗，唔知可唔可以手洗呢?＂

"未見到件衫唔敢講，不如明天您帶返寫字樓，我過嚟睇吓，如果可以手洗，您介唔介意畀我試吓?＂

＂當然唔介意，只怕麻煩咗您!＂

＂唔會，樂於嘗試!＂

第二天，約了朋友 E 食午飯順便睇下件衫可否手洗，一見之下，心言信心十足拿回家洗。。。

＂喂，想告訴您，件衫洗好喇，明天給您送回!＂心言高興地給朋友回電。

心言享受穿衣藝術，當中包括愛惜，恰當洗滌及保存!

弟弟真好

＂妹妹，呢個 3-drawer chest 啱你用喎，$99 減到 $69!＂ 心言看見減價傳單，高興地說。

＂好哇，我都覺得啱用，價錢又實際!＂

於是買了回家!

問兒子：＂明天同 Brian 幫妹妹一齊砌好個櫃，好嗎?＂

＂要星期二才可以，因為明天早上同 Brian, Stanley 去 Kamloops 探阿 Corn, 佢喺嗰度讀 law, 放假想我哋去探佢，星期一晚至返。＂

＂啊，咁幫媽咪同佢 say hello 啦, 小心開車!＂

今晚飯後，年青人相約去看電影，弟弟在旁聽見，就對心言說：＂家姐，我反正得閒，可以替妹妹砌櫃喎。＂

＂個盒好重，仲喺我車尾箱未攞出嚟，兩個人唔夠力，都係等佢哋做喇。＂

"唔緊要，拆開個盒，逐塊攞入屋，宜家嘅櫃應該唔難砌，一於咁話!＂

終於，兩個半小時之後，大功告成。。。

弟弟真好!

花枝招展

時尚的，高雅的，柔美的，浪漫的。。。

花枝招展！