誤會

王醫生本是一位家庭醫生，早於十年前眼光獨到，再攻讀皮膚，激光美容專科，成功轉型為出色的美顏醫生。中、港，台不少女士慕名而來，財源滾滾。

今天前往王醫生的 lacer clinic 嘗試退回用後敏感的防曬用品，員工禮貌地說：
＂可以給您退回，但電腦因為今早被 hack in, 所以操作比較慢。＂

＂冇問題!＂心言邊等邊看著電腦的背板，心想，王醫生要求真高，診所設計 hi-tech 新穎，清新高雅，連電腦背板都配合裝飾，銀碳色真少見，＂嗄，王醫生要求。。。＂邊說心中所想，邊用手指去感覺背板紋理，＂咦，甩色嘅?!＂

＂今早被 break-in, 您掂到嘅是套指紋嘅粉，快啲去洗手，不過您咁欣賞，我哋考慮唔抹甩啲粉啦!＂

＂噢。。。＂

〔資料圖片〕

茶聚拾趣〔三〕資訊 Update

五位女士茶聚，互相 update 資訊，講起智能手機用途之多，精明能幹的 Ginny 說：＂依家連鏡都唔使帶，搽唇膏時開咗個鏡頭就得!＂

＂係喎。。。我都係用手機，不過我靠手機瑩幕嘅反光，妳哋聰明好多，又學多一樣，唔該晒!＂心言反應過來。

＂仲有，去 App Store 下載 iCanSee 有放大鏡作用，Talkatone 可以讓妳打北美洲電話全免!＂ Ginny 續說。

三人行必有我師，心言有四位!
：）

〔資料圖片〕

Happy New Year

心言恭祝各位網友新年進步，主恩常偕！

Good Health, Good Wealth!

Happy New Year :)

茶聚拾趣〔二〕減肥秘訣

賢慧的 E 君，夫妻恩愛，出名模範，丈夫入籍後成加、港兩地太空人，E 君留守温哥華直至去年小女兒入讀大學才回流香港陪伴丈夫，每年往返數次探望乖兒女及媽媽。

E 君最近回加省親，跟好友茶聚說：＂返香港前要減番幾磅。。。＂

廚藝高手 S 君說：＂試下煲紅豆粥 - 薏米加紅豆，一日三餐食兩、三日實瘦幾磅，喜歡落盬、糖或唔落都得。＂

巧手的 G 君說：＂煲五味粥都得，五種豆，健康又減磅!＂

心言說：＂運動、健康飲食和份量對減磅有直接影響和果效。＂

然後，齊聲對 E 君說：＂其實都唔覺得妳肥咗喎!＂

＂我老公昨晚喺 web-cam 喥同我講：「老婆，聖誕節送個大禮俾您，睇咗您幾日，您一啲都無肥瘦，重靚咗!」＂ E 君續說：＂我答番老公：「你有無聽過啲生活枯燥嘅人見到隻豬都會覺得好清秀可人呀!」＂

幾個女人聽完爆笑!

〔資料圖片〕

茶聚拾趣〔一〕Free~Two

廚藝非凡的朋友 S 君說：＂本來退休會清閒啲，點知自己走去買呢買路。。。跟著攪到自己好唔得閒。＂

這位朋友喜歡網上購物，亦喜歡買 cooking gadget。。。

於是心言說：＂咦，幾時攪番個 garage sale,  然後叫我哋過嚟買！＂

＂講起 garage sale 就好笑，早前我對面鄰居攪，我執咗啲嘢叫佢順便送俾人，佢話：「妳啲嘢唔使錢，我啲點買?」 我話：「是但啦，你幫我揸主意。」 "  S 君續說：＂Garage sale 完，個鄰居走嚟同我講：「呢兩蚊係妳嘅，個中國女人咁得意，係都要俾兩蚊我!＂

"?"

＂佢拿住三樣東西問我 「How much?」，第一樣我答「Three」，第二樣我答「Two」，第三樣我答「Free」，佢話：「Two」，我再話「Free」，佢係都堅持話「Two」，咁咪幫妳收咗兩蚊囉!＂

〔資料圖片〕

責任感

和一班朋友茶聚，閒談間說起時下年青人大部份對責任感沒有什麽意識。衣、食、住、行依然由父母負責，他們不覺得有問題，跟我們一輩大相逕庭。

有認為是因為工作難覓，有認為是懶惰成性，有認為是父母造成。。。

各抒己見之際，賢慧的朋友說：

＂我哋已經同啲仔女講好，出嚟做嘢，人工要攞三份二回家，成家立室後，攞三份一回家，到養兒育女時，全數歸佢，冇本事唔好談婚論嫁。。。現時女兒做 part-time 人工全數拿回家。＂

＂得唔得呀?!＂ 精明能幹的朋友說。

＂得，由細到大嘅衣、食、住、旅行、學費都係父母供給，出社會做事，工資回報屋企是應當的，亦由此培養責任感。＂ 賢慧的朋友續說。

心言記得初出社會工作亦如是。。。

責任感的確要互動培養!

這位好朋友養兒育女有一套準則，並持之以恆，例如在家一定要講中文，跟婆婆要講家鄉方言，待人接物謙恭，禮數周全。。。

朋友兒女成才，心言欣羡，心裏替朋友歡喜!

〔資料圖片〕

禮物

女兒出門外遊的早上，心言行出房門口,  見一袋禮物放置門前，打開查看。。。

早前妹子託女兒買此款式手袋，心言說過喜歡，也想自己買一個，但是當時缺貨，也就不了了之，想不到女兒放在心上，給心言一個驚喜!

今天行出房門口，又一份禮物。。。溫暖牌毛冷圍巾!

敲門問兒子：＂謝謝你，是你親手編織的嗎?＂

＂係呀!＂ 兒子自豪地回答。

＂朋友教你織?＂

＂網上學嘅。＂

＂哇!  好叻喎!＂ 心裏感動! ＂咦，頭段跟尾段的編織 pattern 唔同，幾特別喎：）＂

＂唔係呀，係我織錯咗，將錯就錯：）＂

＂哈哈哈，又幾好效果喎!＂

從來慈母手中線，今天兒子親手編織的第一條圍巾。。。珍而重之，謝謝你!

今天打著温暖牌圍巾四處去，朋友們跟妹子都讚賞兒子的手藝唔錯!