報平安

溫哥華西北部 Queen Charlotte islands 海域發生 7.7 級地震，網友及朋友電郵傳來關切問候。

在此謹向大家報平安。

心言一切安好，內心温暖，無言感激!

絲蘿非獨生

" 絲蘿非獨生，願托喬木 "

人與神的關係不也是一樣嗎？

臥底?

＂請問呢個手袋係咪真皮?＂ 一位女士拿著一個有 security tag 的手袋問心言。

＂係呀，呢度寫住 genuine leather。＂

＂貨架寫有七折，係咪折完再折?＂

＂我幫您查一下價錢，請稍等。。。再七折係 $73.80。＂

＂呢啲白痕擦唔擦得甩?"

"最好攞番去手袋部，佢哋可以替您試吓。＂

過了五分鐘，女士又拿著同一個手袋及另一個相同手袋找心言：

＂呢兩個手袋係咪一樣?＂

＂手袋款式一樣，價錢卻不一樣，$113.80。＂ 心言查看電腦單價後說。

＂我趕時間，如果我要 $73.80 嗰個，妳會賣畀我嘛?＂

＂價錢牌資料唔一樣，係新舊貨之分，平嘅係舊貨，您要嗎?＂

＂妳可唔可以收平嘅價錢，畀貴價嘅手袋我?＂

＂對唔住，唔可以!＂ 心言禮貌地回答說。

心想：真係有啲咁嘅人?!

將事件跟弟妹們說起，弟弟說：

＂正常嚟講，應該唔會咁講嘢喎。 咦，會唔會係臥底，試您呀!＂

＂嗄!!!＂

〔資料圖片〕

Sample Sale

女兒做 intern 的時裝公司今天舉行 sample sale ，下午四時至八時有一個優待員工親友的時間。

心言和兩個妹子特別趕去捧場!

心言一到，女兒就介紹直屬經理 Stepheny  及老闆 Jake 和心言認識。

經理對女兒的工作態度讚不絶口，形容女兒熱愛工作，勤奮誠懇，是一位工作好伙伴，而且聰明美麗。。。老闆在旁認同及讚賞!

心言感激，多謝他們給予女兒學習機會，請他們對女兒多多賜教!

妹子們六時才來到，一直逗留到八時。

大家都滿載而歸!

福至心靈

一位顧客多天前看中了一只半價再七五折的手錶。。。

當時他沒有買下，今天趕來踫運氣！

喜見手錶尚在，他就興高彩烈地把手錶要了。

當心言帶他去改錶帶的時候，鐘錶修理部同事對心言說：

＂手錶有兩個 dial 唔郁，我擔心客人會退貨，唔敢改錶帶。＂

望著顧客失望的表情，心言忽然福至心靈：

＂麻煩您試下換個新電池睇下郁唔郁？可能佢放喺飾櫃太耐啦。＂

心言一語中的！問題果然出在電池。

這位幸運的顧客，終於可以帶著手錶開心離去。

心言亦滿心歡喜!

笑話一則

星期天與妹子和媽媽往至愛茶餐廳吃下午茶，二妹和外甥要半句鐘後才到，於是訂了坐位之後，就前往隔鄰時代坊的韓國超市購買蔬果。 

回到茶餐廳，甫坐下，妹子就向二妹說：
＂講個笑話畀妳聽！＂

心言聽見有笑話聽當然開心，微笑著洗耳恭聽。

妹子望著心言笑著說：
＂您聽完會笑唔出喎!＂

＂哦，講啦。＂  心言笑著回應。

＂我地去到超市入口，有員工正在介紹如何烹調雞腿蘑菇，忽然不見媽媽蹤影，於是隨口問：「咦，阿媽呢?」 當時家姐背對著我，一秒時間，該員工笑指著家姐向我說：「咪係度。」 我正想向員工糾正，家姐就指著另一邊說：「阿媽係嗰邊。」 該員工即時低下頭繼續抄她的雞腿蘑菇。。。＂

＂慣喇，都唔係第一次，妳買結婚衫時，After Five Boutique 個女售貨員都對妳說：「您媽咪真好，咁好心機替您揀衫!」啦!＂

心言兩個妹子都得天獨厚，樣子特別年輕，加上保養得宜，勤做 facial。。。年輕是應該的。

懶惰的心言，要好好檢討囉!

Shopaholic

今天跟女兒的戰利品!