誤會

服裝店內。。。

噫，枱上面有客人留低條頸鍊。。。?

啊，原來是鑲嵌在內。。。

裝飾吧了!

壺言

心言對水壺容器不求甚解，只知道有些唔可以裝奶類飲品。。。之後就唔記得那一個可以，那一個不可以，最簡單只用來裝水。

最近公司附屬咖啡店因某種原因關門啦，員工休息室茶、水、杯欠奉，平時唔帶飲料的心言便開始用水壺，通常返工前燒好滾水入樽，到休息時段水溫剛好飲用。

今天朋友約飲下午茶，於是帶埋水壺到茶餐廳裝熱水，怕早了裝水會涼，誰知平時用開的水壺不知所蹤，於是隨手拿了另一個，朋友見著要先替裝水，心言說不，早了會涼，朋友說妳這是保暖杯，可保暖數小時。。。心想，保暖，我知呀!

下午茶後，返工司路上心言拿著水壺，噫，咁涼嘅?

＂呢個係保暖杯，內熱外涼係啱嘅。＂朋友笑著說。

＂嗄，呢個係保暖杯，唔係水壺咩。＂

＂係可以裝水，個杯底寫住保暖杯。＂

＂啊!  。。。＂

終於到 break 時，啲水重係好熱，唔止保暖，重好熱!

無聊

兒子從北京帶回的一包紙巾，包裝套寫著：

when
      can
    I see You
    when
does my
          someday
    ginBe

請問各位朋友，有冇人明白點解?

食得健康

兒子以前喜歡少菜多肉。

最近多吃魚、菜，食得健康，明白有健康體魄、積極才有好的工作表現。

沒有約會午飯總會回家自弄午餐，今天剛巧心言在家，見他用椰菜花，黃椒，青瓜，芒果，香蕉，牛油果，蜜糖，花生醬，杏仁奶打成雜飲，於是試飲。。。

唔，好香濃!

為響應兒子的健康飲食，今晚用蝦，雜果，蘋果，芒果，牛油果做了個沙律。

女兒見了說 ：＂mayonnaise 唔健康。。。少少唔緊要啦!＂

失禮大中華

前幾天，一位媽媽帶著兩個四至六歲大的女兒到來買耳環，介紹期間心言被兩個小朋友兜口兜面咳嗽兩次，避無可避，中招!

這三兩天感覺不適，希望自然痊癒，奈何情況惡化，於是去看醫生。早上九時到達 walk-in 醫務所，已見人龍排至診所門外，見一位女仕排得離前面的女仕有兩個空位，於是禮貌地問是否在排隊，女仕低聲說是，期間始留意到她前面的女仕帶住口罩係咁咳，係咁咳，明白了。

輪到差不多到門口，來了位亞洲女仕望下，望下，應該排到後面去，誰知她突然越過心言及前面的女仕直入診所，心言立即用英語說："Excuse me, the line up is at the back!"


完全無反應，於是用中文再說：＂唔該妳到後面排隊!＂

打尖女仕回頭望住心言，理直氣壯地說：＂我見你哋唔行!＂

＂龍尾係後面。＂心言堅定地說。

真係失禮大中華!

靚女，氣質

跟妹子閒談，告知有客人說心言有氣質。。。

妹子即時爆笑：＂哈哈哈，通常唔靚嘅人會俾人用有氣質嚟讚。＂

＂靚同氣質係兩件事，靚未必有氣質，有氣質未必靚，有氣質又靚，少，因為靚女易搵，氣質難求!＂心言另有見解。

＂妳，我會想像用靚，咦，唔繼續講。。。＂

＂妳咁笑法，唔講。＂

＂唔笑，講啦!＂

＂我招呼完一位顧客，想鎖飾櫃之際，一位在等候的女士說想看其中一款女裝手錶送二十來歲的年青人，問心言意見，心言介紹另款價錢貴廿元，但比較實惠的鋼帶手錶並帶在手腕上展示。 女士微笑著說：「妳咁有氣質，穿什麼，帶什麼都靚!」 心言連聲欣喜多謝，沒想過跟氣質拉上關係。  女士續說：「剛才我站在一旁看妳工作就有這種感覺，我相信自己眼光，我唔係第一個咁同妳咁講。。。」 

聽著，想著，被讚得臉也紅了，連聲多謝。＂

＂咁佢終於有冇買到妳介紹嘅錶?＂妹子問。

＂有，仲讚心言有眼光，好介紹!＂

LAN 仔、靚仔

多米尼為人樂觀、好客、熱心園藝、近年更積極於友儕間推廣乒乓球活動。

一天，來電約心言往打乒球，去到場館，跟鄰枱的球友們打招呼，一位台灣老先生用半醎淡廣東話叫多米尼做「LAN 仔」。

多米尼更正應為「靚仔」。

老先生說：＂「LAN 仔」咪即是「靚仔」。＂

多米尼說：＂「LAN 仔」係年輕人，「靚仔」係帥。＂

其他球友也七咀八舌加入意見。。。

老先生說：＂咁我話你係靚仔嘅 LAN 仔，應該點講?＂

各人思索中。。。

＂美哉少年，可以嗎?＂ 心言說。

＂就是美哉少年!＂衆人齊聲認同。

終於可以開始打球啦!

：）