前往城中看大戲，途中下著大雨。
車內朋友 A 說：＂連日落雨，幾時好天?!＂
＂係囉，都落咗成兩個星期雨啦!＂朋友 B 回答說。
＂真係唔明個溫哥華市長攪什麼，推動單車專線，喺巿中心好好地三線行車，變成一條左轉，一條直行或轉右，一條單車專線，溫哥華一年最少三、四個月連綿下雨，市中心寫字樓啲白領點會同你踩單車返工吖!＂心言有感而發。
＂但係有人贊成喎，佢哋嘅民意調查係一萬人。。。咁都未算數，佢哋仲計劃開多幾條單車線！＂妹子插口說。
＂要市民乗搭公共交通工具，配套又唔夠，唔改善交通系統，擴闊路面，仲要將汽車流量減至三分一。佢應該學北京咁，雙數車牌行星期二、四、六，單數車牌行星期一、三、五，鼓勵巿民 carpool，改善交通流量!"
＂係呀，廣州都係咁! ＂
＂攪到啲車無路行，單車專線變嘥咗條路，邊有一個發達國家市中心區得一條直行車線，有時真係唔明呢度啲政客個腦係咪生係個 pat pat 度!＂
〔資料圖片〕
