美景佳餚

美景怡人，

好友相聚；

佳餚當前，

不亦樂乎！

真係咁橋？

看見朋友飲用的茶杯上印著均勻的脣印。。。

忍不住發問：〝妳專登架?!＂

朋友居然答我：〝唔係，咁啱得咁橋啫。〞

吓，真係咁橋？

快樂事〔三〕

這天跟訏久沒有見面的姊妹們午餐敍會。

大家別來無恙，互相交換近況、新知識。。。

知道大家都活在神的恩典中，都在感恩!

然後，小妹子作東道，大家盛情難卻，心言更是坐享其成!

黃雀在後

鴿約黃昏後。。。

四望無人！

談談情，說說愛。。。

哈哈哈，

黃雀在後！

快樂事（二）

在員工休息室裡，心言吃完晚飯，見對座年輕女同事吃雪糕條，想起女兒中午說留了雪糕給心言，於是走去打開冰箱。。。只見兩支雪糕條，不見雪糕杯，怕吃錯人家的東西，於是關上冰箱門。

就在這時候，對座的年輕女同事對心言說：＂妳在想我點解會有雪糕食？＂

＂唔係，只係見妳食雪糕條，想起個女話留咗雪糕俾我，不過，諗諗下都係唔食。＂

＂您個女? 邊個係妳個女?＂年輕女員工奇怪地問，兩母女在同一間公司工作，比較少見。

＂我個女喺香水部工作。＂

＂噢，個新女仔係妳個女?！ 佢好靚女喎!  嗰支 fudge 雪糕條係佢嘅，剛才我哋一齊去平臺買嘅。＂

＂佢第一日上班我已經覺得佢好靚，and she's really stunning!＂ 一位剛入來的化妝品部年輕女同事說。

＂Oh, is she?!"心言未敢自豪。

＂點解妳會噉反應?＂女同事們覺得奇怪。

＂因為佢唔覺得自己靚，好多時我同佢話啲 aunty 讚佢靚女，佢會話因為啲 aunty 係我朋友，佢哋係 being 客氣。＂

＂咁妳同佢講我哋係陌生人，都讚佢靚啦！仲有，佢唔應該喺香水櫃檯，應該係  Chanel。。。She's so。。。Chanel！＂

＂啊，thank you!!!"

。。。

回到櫃檯，見到同事珊迪，跟她分享剛才的事，珊迪由衷的說：＂Your daughter is pretty，and she's nice,  that's most important!"

＂Thank you, Sandy!＂心言由衷多謝讚賞。

快樂事 (一)

＂媽咪，您知唔知今日商場為員工喺平台做特惠餐，$2 有漢堡飽、飲品、薯片同埋雪糕，好抵呀!＂女兒見到心言來到香水櫃檯，立刻就說。

＂我返工時見到，本來帶咗午飯俾您，不過唔緊要，妳同同事去啦。＂見女兒這麼雀躍。

＂啲午飯留番明天食，您一起來好嗎?＂女兒問心言。

＂我剛上班，未有咁早 break，妳去啦。＂

稍後，心言去到員工室見女兒跟一位年輕女同事一起用膳，＂咦，點解唔喺平台食?＂

＂太曬又太煙。。。＂年輕女同事回答。

＂媽咪，我哋講緊您!＂女兒笑著說。

＂講我乜嘢?＂心言笑問。

＂我話俾佢知您好鍾意返工，唔使返工都會返嚟行下，買嘢，有時送飯俾我，總之您好鍾意公司囉。＂

＂係呀，我好鍾意返工，因為成日有人讚賞。。。哈哈哈!＂心言開懷地笑，並對年輕女同事說：＂妳記唔記得有次我唔記得帶唇膏，去櫃檯問妳可唔可以消毒一枝貴公司唇膏辦借用，我邊揸唇膏，妳讚賞我美麗，有氣質?＂

＂記得，記得!  原來您係佢媽咪!＂

＂係呀，當日媽咪回到家裡告訴我有人這麼樣讚她，好開心!＂女兒附和著說。

＂係囉，所以我返工真係好開心㗎!＂

正能量

這是心言在 2011 年 1 月  25日寫的網誌：

"生命的藝術"

人生不如意事十常八九...
生命的藝術在於化解八九不如意事，
享受一二合意事。
幾許風雨,，陰晴圓缺，
花開花謝，細味人生...
善忘憂傷，記取喜樂。
凡事感恩，感恩，再感恩！
不難作個快樂人！
：）

正能量來自感恩！
 

不吝讚美

最近因為工作關係，接觸和認識到不同部門的主管、經理。

當中 Floor and Marketing Manager 積琪對心言特別讃賞，說是近五年來難得一遇的好員工。。。還想心言過檔，經理笑說唔會放人，其中一位女同事笑說價高者得好員工。 經理笑說出高價心言都唔會過檔。

當然囉，好上司也可遇不可求!

其間，心言有機會由衷對積琪說：＂謝謝您的鼓勵和不吝嗇的讃美!＂

＂我是實話實說，讃美亦可留下好員工。＂然後望著經理繼續說：＂有這麼一個好員工是你的福氣!＂

＂妳有我共事，也是妳的福氣!＂經理神氣地回敬一句。

總之，大家都有福氣！

人情味

因為公司老闆巡鋪，心言被經理派到不同部門工作，主管作出 break time 安排，心言要求將兩 set 半句鐘合成一句鐘與友人吃午飯，主管說經理要求統一休息時間，如有特別要求，直接跟經理請示。

心言找著經理提出要求，結果是：＂當然可以!＂

到 coffee break 時，心言留下工作未有出現，經理用廣播找著心言，心言告知因為留時間午飯，所以沒有了 coffee break。

＂午飯時間一樣給妳，現在請和我們一起享用公司供應的咖啡和早點，不必斤斤計較，請您現在就來!＂

＂多謝經理!＂

百搭

應經理要求，早上七時前抵達公司，鞋部經理杜麗莎一見面就說：＂早晨，妳咁早返工嘅?＂

＂早晨，係經理叫我返嚟幫手。＂

＂太好了！心言，我哋一齊去家居用品部門開會啦。＂

原來，除了心言之外，全部返工的都是倉庫管理和貨品擺設員。。。

互相關懷

一天在員工休息室見一年輕女同事想將即用即棄的膠盒連食物放入微波爐，心言見狀立刻輕聲對她說：＂即用即棄的容器不宜放入微波爐，對身體健康有害。＂

年輕女同事停止原先動作並連聲多謝。

今天心言吃著自家水果蝦沙拉，另一位吃著熱湯 udon 的女同事向心言說：＂咁健康食沙拉？＂

＂係呀，夏天簡單便當，方便嘛!＂

＂女人都係唔好食咁多生冷嘢，對身體唔好。＂女同事繼續說。

＂知道，謝謝妳!＂

大家都是不知名的同事，但互相關懷!

喜歡忙

＂早晨，這星期有冇時間，我有一日 full shift 可以給妳。＂Polo 主管問心言。

＂對不起，這星期都滿啦，下次啦，多謝您記得找我!＂心言抱歉地說。

＂得，我鍾意搵做得嘢嘅人幫手!＂主管笑著回應。

回頭，經理問心言：＂星期天要上班嗎?＂

＂要，1-5:30pm。＂

＂可以改返 7am-3pm 嗎? 星期一老板巡鋪。。。＂

＂好，冇問題!＂

心言就喜歡忙!

眼大睇過籠

兩個相交數十載的好弟兄，我輩以「大大佬」，「大大大佬」尊稱，因為當中已經有一位被尊稱為大佬。

大佬當然唔易做，要排難解分，一力承擔，出錢出力不在話下。。。（嘻，講下笑啫!）

這天，所有大佬相約下午茶敘，小妹子全到，大大佬說笑地說：＂成日話我泊錯位，阻住人地倒垃圾。。。＂

＂你泊錯位，冇標誌，隔離嗰個至係，話你唔信。＂大大大佬不甘示弱。

＂等我出去睇過。＂心言坐言起行。

口講無慿，影像最實際!

點解睇唔到?

眼大睇過籠囉!

滿足

放工。。。

夕陽餘暉，

夜涼如水，

美景如畫，

還有。。。

一客蟹肉牛油果三文治，

滿足! :)

正面學習

女兒到某品牌香水公司受訓後穫贈香水兩瓶，不便帶回公司，於是存放在朋友仔 Brian 媽媽的攤檔。

心言前往領取，Brian 媽媽說：＂哎呀，原來係妳個女，佢走埋嚟話「唔該 aunty,  我媽咪一陣會嚟拎走。」我正擔心唔知交俾邊個。。。＂

＂唔好意思，佢趕住返工，妳唔認得佢?!＂

＂唔同平時個樣。。。讀完商科，走去賣香水，嘥唔嘥啲?!＂

＂正面啲，正面啲，騎牛搵馬啫，毎一個行業，每一份工作都係學習，特別喺百貨公司，更加係社會嘅縮影，獲益良多啊!＂

＂咁又係!＂

點解？

 

咦。。。

 

 

點解？

 



Better Than Best

今天找了一個機會跟經理傾談有關心言的前景。。。

經理說心言的工作表現比做到最好的更好，有目共睹，叫心言安心工作，公司會因應發展需要作出適當安排。

有一位愛護員工的經理，是整個部門、公司的福氣!

要纖體啦!

再吃。。。要纖體啦!

Ticketing

"妳識做 ticketing?" Polo 的主管姬絲汀捉著心言問。

 ＂。。。唔識喎。＂心言老實地說。

＂嗄，經理又話妳識 ticketing,  叫我搵妳嘅。＂

＂佢誤會啦，我以前喺航空公司係飛嘅，唔係喺 counter 做 ticketing！＂

 ＂哈哈，係 「price 」ticketing 呀，經理叫我搵妳做 price ticketing 呀。＂

有咁烏龍

晚飯後朋友陪心言取車，但覺門前幾位男仕向心言取車處眼望望。。。

＂嗄，點解嗰班人係咁望住呢?!＂ 心言邊用搖控開車門邊說。

＂晚上都係要小心啲。。。＂朋友回應。

＂咦，點解開極開唔到門嘅?＂ 心言三番四次左手搖控車匙，右手開車門不果，再看看。。。

哎，同顏色，同車款型號。。。

車牌號碼卻是大大不同!

之所以咪俾個車主同班朋友係咁望囉!

好瘀!

常溢香

'媽咪，您試用下，然後話我知喜歡邊支。＂女兒拿著一盒香水辦跟心言說。

＂唔使買嘢俾媽咪啦!＂

＂因為公司要我上網做個測驗，然後會送我一支香水，我想轉送給您!＂

＂哈哈，借香水送媽咪，好，謝謝妳!＂

最近，常溢香!
 

精打細算

母親節，女兒送心言一張時裝店禮券，說：＂唔好淨買 sample sale!＂

＂咦，重未用張咭?＂女兒見著她送的禮在枱面上。

＂啊，等季尾最平時用，抵啲!＂

＂媽咪真會精打細算，我要好好學習!＂ 女兒認真地說。

佢係我媽咪

今天不用上班，卻被經理臨時拉伕做雜務。

下班時間跟女兒一樣，不用埋櫃，於是走去會合她一起離開。

去到香水櫃檯，見她仍忙著招呼兩位年長女仕開咭，要 call credit referral, 等候期間，女兒向客人介紹心言：＂佢係我媽咪。＂

＂。。。有點似樣，咁後生嘅?!＂兩位女仕看看女兒，又眼評著心言，＂都係靚女。＂

＂我媽咪靚啲，我似爹哋多啲。＂

＂點樣可以咁苗條?＂女仕問心言。

＂小吃肉，多吃蔬果，每餐吃七、八成飽。＂心言笑著說心得。

女仕跟女兒說：＂今日時間唔夠，明天再來買過。＂

＂多謝您們!＂女兒拿著貨品行出櫃檯雙手交給客人。

然後極速埋櫃，執拾櫃檯，放工啦!

引以為傲

女兒入職公司這幾天，好評如潮，例如：美麗、可愛、善良、有教養。。。

這天，香水部經理見著心言笑著問：＂您還有女兒嗎?＂

＂為什麼?＂

＂都給介紹進來，我們需要這麼可愛，勤奮的年青人!＂

＂謝謝您領導有方!＂

女兒讓媽媽引以為傲!
 

WOW

這天上班，一位年青人手持飾物伴著一位女仕問心言：＂妳覺得她配戴這件飾物，效果好嗎?＂

＂Ok 啦。＂心言如實地回答。

＂我要「Wow!」，唔要 「Ok 啦喎。」＂年青人笑著說。

＂噢，「Wow」。。。配襯便服，還是晚裝?＂心言說著，眼睛也給力。

＂不重要，總之她配戴著會給予這「Wow」的感覺。＂

＂您是她的形象顧問?＂

＂我是她的兒子!  想替媽媽扮靚靚。＂

＂太太真讓人羡慕!＂

。。。還是找不到適合的，提議客人到商場另外的店舖物色。

＂謝謝妳的幫忙和建議，喜歡妳的實話實說，下次再來請妳幫忙!＂

＂Thank you, anytime!"

開心

上班兩天，女兒的同事知道她跟心言的關係後。。。

就有人說：＂The little one with the jewelry department is your mom?!"  

又一個說：＂Oh, the one who always dress to kill is your mom?!"

然後，有其他部門同事告知心言，香水部來了個 'cute little girl' 新同事。。。

"原來是妳的女兒，好靚女喎!＂

哈哈，樂得我!

學習

女兒第一天上班，未有安排培訓，不知就裏，早上賣出的貨品，被一位資深的同事騙去佣金。。。

隔一天，又跟這位資深同事同時間工作，資深同事要女兒執貨架、盤點五個多鐘，一個客人也不讓她接觸，除了一個要退貨的。。。然後下班啦!

被騙佣金時，女兒說："算啦，可能她比我更需要金錢，對我也是一個學習。＂

被安排執貨架，盤點，架空跟客人接觸，女兒對這同事感到失望。。。

心言跟女兒說：＂不要失望、氣餒，每個職場都有這麼樣的人，要學習、忍耐、要有堅定的意志、做到最好、甚至乎以德報怨，冇人可以再欺負妳!＂

第一天上學

女兒第一天上班，湊巧心言放假，於是精心炮製精美健康沙拉午餐給女兒帶回公司。

當天也是女兒的朋友托運愛犬，因著種種延誤原因，臨時拉兒子完成任務，因著照顧小狗，心言一起同行，順道送女兒先上班，下車時，心言忙著打開車窗關顧著女兒說：＂記得將沙拉午餐放入雪櫃啊!＂

＂Thank you, mommy!" 女兒回顧笑著說。

＂媽咪，您就似是第一天送妹妹上學的模樣!＂兒子取笑著說。

心言甜在心裏。

睇煙花

＂家姐，今晩得唔得閒，老板同朋友出海睇煙花，話請埋我哋一家。＂

＂好呀，我放四點，到時再通電話。＂

＂六點去到碼頭，係船上食晚飯，到時見。＂

弟弟的老闆對員工愛屋及烏，為人隨和好客，沒架子。

有這麼一位好老闆，是弟弟的福氣!

騎牛搵馬

去年商科畢業後，女兒一直未有找著正職，就只有一份車行兼職，由大學第二年一直工作至今。

女兒努力的找，還是找不到，總是讓人氣餒。。。

機緣巧合，女兒到心言工作的百貨公司投考巿場管理經理兼部門營業經理職位，到最後二選其一，卻因缺乏營業經驗而落敗，之後，人事部經理轉介她見化妝品部門經理 Joy,  Joy 邀請女兒到 Chanel Counter 做工，女兒推了，惟是 Joy 很喜歡女兒，再轉介她到香水部門見工，香水部門經理就是二選一時所請的新經理，Christine 也很喜歡女兒，於是請她加入香水 Counter 工作。

這天，回到公司上班，經理跟心言說：＂知道公司請妳女兒工作，作實了嗎?＂

＂。。。她可能會推辭。＂個多月時間，女兒輾轉見工、見工再見工，心言也覺可惜。

＂她有份比這更好的工嗎?＂

＂都在等消息。。。＂

＂見過妳女兒的經理們都很喜歡她，覺得她是可造之材，而且她今次不單是售貨員，有市場推廣都會讓她參與，我相信她很快適應並扶搖直上，最重要是可以騎牛搵馬!＂

終於，女兒落實上班，感謝主!