溫哥華西北部 Queen Charlotte islands 海域發生 7.7 級地震，網友及朋友電郵傳來關切問候。
在此謹向大家報平安。
心言一切安好，內心温暖，無言感激!
2012年10月31日星期三
2012年10月27日星期六
臥底?
＂請問呢個手袋係咪真皮?＂ 一位女士拿著一個有 security tag 的手袋問心言。
＂係呀，呢度寫住 genuine leather。＂
＂貨架寫有七折，係咪折完再折?＂
＂我幫您查一下價錢，請稍等。。。再七折係 $73.80。＂
＂呢啲白痕擦唔擦得甩?"
"最好攞番去手袋部，佢哋可以替您試吓。＂
過了五分鐘，女士又拿著同一個手袋及另一個相同手袋找心言：
＂呢兩個手袋係咪一樣?＂
＂手袋款式一樣，價錢卻不一樣，$113.80。＂ 心言查看電腦單價後說。
＂我趕時間，如果我要 $73.80 嗰個，妳會賣畀我嘛?＂
＂價錢牌資料唔一樣，係新舊貨之分，平嘅係舊貨，您要嗎?＂
＂妳可唔可以收平嘅價錢，畀貴價嘅手袋我?＂
＂對唔住，唔可以!＂ 心言禮貌地回答說。
心想：真係有啲咁嘅人?!
將事件跟弟妹們說起，弟弟說：
＂正常嚟講，應該唔會咁講嘢喎。 咦，會唔會係臥底，試您呀!＂
＂嗄!!!＂
〔資料圖片〕
2012年10月26日星期五
Sample Sale
女兒做 intern 的時裝公司今天舉行 sample sale ，下午四時至八時有一個優待員工親友的時間。
心言和兩個妹子特別趕去捧場!
心言一到，女兒就介紹直屬經理 Stepheny 及老闆 Jake 和心言認識。
經理對女兒的工作態度讚不絶口，形容女兒熱愛工作，勤奮誠懇，是一位工作好伙伴，而且聰明美麗。。。老闆在旁認同及讚賞!
心言感激，多謝他們給予女兒學習機會，請他們對女兒多多賜教!
妹子們六時才來到，一直逗留到八時。
大家都滿載而歸!
2012年10月25日星期四
2012年10月24日星期三
笑話一則
星期天與妹子和媽媽往至愛茶餐廳吃下午茶，二妹和外甥要半句鐘後才到，於是訂了坐位之後，就前往隔鄰時代坊的韓國超市購買蔬果。
回到茶餐廳，甫坐下，妹子就向二妹說：
＂講個笑話畀妳聽！＂
心言聽見有笑話聽當然開心，微笑著洗耳恭聽。
妹子望著心言笑著說：
＂您聽完會笑唔出喎!＂
＂哦，講啦。＂ 心言笑著回應。
＂我地去到超市入口，有員工正在介紹如何烹調雞腿蘑菇，忽然不見媽媽蹤影，於是隨口問：「咦，阿媽呢?」 當時家姐背對著我，一秒時間，該員工笑指著家姐向我說：「咪係度。」 我正想向員工糾正，家姐就指著另一邊說：「阿媽係嗰邊。」 該員工即時低下頭繼續抄她的雞腿蘑菇。。。＂
＂慣喇，都唔係第一次，妳買結婚衫時，After Five Boutique 個女售貨員都對妳說：「您媽咪真好，咁好心機替您揀衫!」啦!＂
心言兩個妹子都得天獨厚，樣子特別年輕，加上保養得宜，勤做 facial。。。年輕是應該的。
懶惰的心言，要好好檢討囉!
2012年10月23日星期二
2012年10月22日星期一
2012年10月21日星期日
有啲咁嘅醫生?
今天與幾位女友午餐敍舊。
其中一位中、加兩邊住的朋友，回加前意外地發現患上乳癌，香港的女兒要求她前往香港接受專科檢查，得出結果跟中山的檢查一樣，而且是非常兇猛的癌細胞，好消息是初期乳癌，壞消息是要切去整個乳房!
這位朋友年屆 七十（外貌似 五十來歲），身為氣功師傅，飲食有道，作息有時，為人樂觀豁達，處事八面玲瓏，一路說來彷似說著別人的故事：
＂我作過多方面探討，知道中山的醫療技術、醫護人材及乳癌手術一樣高明出色，於是決定留在中山做手術。。。＂
手術當然非常成功，朋友亦因為體質好，康復神速，很快已是沒事人一個。回到加拿大，第一時間告訴家庭醫生。
誰知換來家庭醫生冷漠對待，這位家庭醫生似乎對中國醫療存在偏見，要我朋友找人翻譯從中山帶回來的醫療文件，（女友人於五個月前由這位家庭醫生作過身體檢查）然後告訴我朋友她並沒有患上乳癌，是中山的醫生錯診!!!
＂妳地話有冇啲咁嘅醫生，唔跟進重話人錯診，即是話我個乳房白切，如果我後生啲，冇思想嘅，真係會儍咗，黐線都有份!＂
〔資料圖片〕
2012年10月20日星期六
2012年10月19日星期五
2012年10月18日星期四
2012年10月15日星期一
2012年10月11日星期四
洗衣基本法
有網友想心言分享洗衣心得。
盛情難卻，就由洗衣基本法開始吧：
在手洗或機洗前，先要把淺色、深色、同類彩色分類。。。
這第一個步驟好重要！
查看衫袋或褲袋有沒有紙張物品，特別是紙巾，一定要＂清袋＂!
心言相信沒有個別牌子的洗衣粉特別洗得乾淨潔白，重要是無論手洗或機洗都先用洗衣肥皂洗刷衣領、腋下、手袖口位及有汚漬的地方，然後才手洗或機洗。
洗淨的 cotton 丅-shirt, sweat shirt，裇衫，汗衫，牛仔褲及任何不可盡乾的衣物，乾衣5–15分鐘，要求不高的話，reshape, 掛乾後不用熨也可以穿著。
如果您要大碼變中碼，不妨用機把它乾透（綿衣，線衫一類）。
冷衫一定不可以放入乾衣機，所以手洗毛衣，要先預備一盆已溶開的柔順劑，洗淨後，過一過柔順劑，脫水 (gentle cycle)，reshape, 鋪平涼乾或掛乾。
羽絨褸亦可機洗 (gentle cycle)，同樣先用洗衣皂先洗刷衣領，手袖口及有汚漬的地方，然後用羽絨洗衣粉或少量洗衣粉清洗，再放入乾衣機乾透後置於通爽位置，務求羽絨褸內外乾透!
（以上純屬個人意見，只供參考）
2012年10月10日星期三
2012年10月9日星期二
洗衣篇 - 回復原狀
昨天提到 ＂忙著覆短訊，忘了把衣服拿出掛乾，縮啦!＂
當時隨即取出已乾衣物，將原本想掛乾的棉質衣物再濕水，脫水，然後放入乾衣機，五分鐘後取出掛上衣架涼乾，今天看看。。。已經回復原狀!
這方法用於線衫，棉質衣物，大多數可回復原狀。
以上純屬個人體驗意見，只供參考。
2012年10月8日星期一
美麗的誤會
＂妳話兒子跟女兒都找著工作，做乜嘢工?＂妹子傳來短訊。
＂誤會啦，係盼望三喜臨門，女兒曾說：「媽媽揾工快過我和哥哥，如果大家都揾到工，食餐好嘅慶祝!」：）＂ 心言解釋著，隨即到博文改掉讓人誤會的留言。
＂真是美麗的誤會!＂
＂：）＂
＂阿哥話妳電話又唔聽，嘥埋啲時間打 message 喎! 妳打電話閙佢啦!＂再傳來，＂佢問呢個係咪叫做 「無題」喎?＂
"我關了電話，想著無人會搵我，讓電話休息，休息。。。稍後會開番：）＂ 心言回覆。
＂阿哥問妳係咪駝鳥喎?＂
＂嗄，熄機都咁多問題? 您兩個家陣好得閒咩?＂
＂佢話妳都無熄機，電話又唔聽，message 就覆!＂
＂電話係熄咗，現在用 iPad 同您哋溝通緊!＂
＂我哋係 broadway 食梗嘢，叫妳又唔來!＂
＂都話 Xcafe 冇興趣，其實我都未食嘢。＂
＂我哋去咗第度食好嘢! Too bad! 阿哥話叫妳不如今晚斷食 fasting!"
"好提議！＂
嘟。。。! 洗衣房傳來乾衣機停機聲。。。唉唷，忙著覆短訊，忘了把衣服拿出掛乾，縮啦!
2012年10月4日星期四
點解我鍾意"至愛茶餐廳"
有網友問：呢家"至愛茶餐廳"真係咁好，好到您同D屋企人成日去幫襯？
答：妹子喜飲檸檬茶，覺得呢間最好。
心言則喜歡這裡的麥皮，全城至正!
當然還有晨早至晚上八時不停出爐的菠蘿包、蛋撻、熱棘棘的港式奶茶、各式飲品、中西美食、打冷消夜，各式優惠，應有盡有。。。
仲有人情味，十年如一日的員工，熱情熟落的招待!
當我們唔知想吃甚麼，又或者知道想吃甚麼，都會想起＂至愛＂，通常週末最少幫襯一次，有時無意中一日早餐、晚餐，或下午茶、晚飯都在＂至愛＂。
家裏的年青人和朋友仔，並不因我們的影響，都喜歡＂至愛＂!
這就是成功!
以上純屬心言個人意見!
〔資料圖片〕
2012年10月3日星期三
2012年10月2日星期二
訂閱：
文章 (Atom)