花好月圓人添壽
良辰美景永相隨
祝人月團圓，中秋節快樂！
2012年9月29日星期六
好老師
女兒七歲時跟心言往欣賞朋友的女兒古箏演奏，因而喜歡，老師要女兒九歲才去見她，還要知道是女兒本身要學，定是做媽媽的要女兒學。。。
老師家住北温，每個星期天，心言都往返接送直至女兒自己懂開車。有朋友曾說：＂列治文都有得學，使唔使去到北溫咁遠呀!＂
＂要呀，因為老師好!＂ 心言衷心地說。
未跟這位老師前，心言貪方便，曾讓女兒在區內跟一位有名氣的古箏老師學習，誰知給心言踫上這位老師在附近超市購物，而讓學生自己練習，老老實實，私人課堂，豈可如此浪費學生時間?!
跟著朋友的女兒更叫其母親跟心言說，妹妹真要學彈古箏要找好老師，指法好重要!
林老師教學一絲不苟、演奏造詣非凡，桃李滿門，為人踏實謙和，有修養，不邀功，愛惜學生，教授音樂之餘還有中國歷史，做人道理!
有這麼一位好老師，是女兒的福氣!
今天（星期六）下午三時「時代坊」有多項音樂文娛活動賀中秋，林笑兒箏樂團亦有參與演出。
2012年9月28日星期五
2012年9月27日星期四
2012年9月26日星期三
2012年9月24日星期一
2012年9月23日星期日
打電話問功課
"R u free for dinner tonite? Just mom n I." 妹子今午傳來短訊。
＂Sure, bought some sweet corn for u guys too, pls call when u're done. : )" 心言回覆並查詢兒子及女兒在家吃飯否。。。
都在，還有 Brian 仔，於是買餸去。
想起女兒想吃冬瓜，朋友曾送心言一樽 butter chicken sauce, 於是買雞扒，老人家要吃清淡些，買了新鮮淮山，魚漿。。。
今晚菜單：
福州魚蛋冬瓜蓉湯
蘑菇鮮淮山魚餅
Butter chicken sauce 雞
蒸三黃蛋
好似好 pro, 其實除咗三黃蛋，其他菜式都未做過，特別鮮淮山還是第一次處理，於是打電話問功課：＂蓮娜，上次您請吃火鍋時吃過新鮮淮山，好喜歡，可以教我點處理新鮮淮山嗎? 係咪好易熟? 配菜有煎魚餅，磨菇。＂
＂先去皮，再用水冲洗，鮮淮山好易熟。＂
＂好呀，唔該!＂
一分鐘，蓮娜來電：＂忘了跟您說，鮮淮山忌切薄片，應該切滾桶式，配煎魚餅，不如炆吧。＂
＂嘻，其實我唔係好知點叫做炆，係咪蠔油加啲水?＂
＂係喇!＂
蓮娜真好，謝謝您!
後記：都吃光啦! :)
2012年9月21日星期五
養兒一百歳，長憂九十九
這個晚上，閒著無聊，大家一起看電影台。。。
畫面傳來黑幫仇殺場面，心言自然地說：＂呢啲係電影情節，唔好學!＂
＂媽咪，您以為我地幾多歲呀!＂兒子跟女兒齊聲笑著說。
心言想著，＂係喎。。。不過，養兒一百歳，長憂九十九嘛！"
"。。。？？？＂
＂父母對兒女的關懷一世都不變!＂
2012年9月20日星期四
2012年9月19日星期三
體面
最近一項國際旅行綱站的調查顯示，愛花錢的中國遊客在不受歡迎遊客的排名中居亞軍，僅次於美國。而某國際組織對全球各國遊客進行形象評價，中國遊客形象倒數第三!
硏究中說「先聞其聲，後見其人」，中國遊客的吵鬧喧嘩是一大特色! 不遵守秩序、隨地吐痰、不冲洗廁所、插隊、闖紅燈都是國人不受歡迎的理由。 很多人覺得中國人非常摳門，愛拿走衛生間裏的免費衛生紙、餐廳裏的餐巾和刀叉，欣賞風景邊吃自帶大餅和白開水，最最無法譲人接受是沒有給小費的習慣!
中外文化、習慣各異，應該互相尊重、學習，捨短取長，更不要將陋習帶出去。。。心言也認識很多有素質、文化、高雅的國內朋友啊!
資料圖片
2012年9月18日星期二
無聊
鈴。。。鈴。。。電話鈴聲響起。
＂喂，請稍等," 心言放下電話，將枱上剛拿回面前的麻雀牌子橦起，免其他牌友等候，＂唔好意思，有什麼事嗎?＂
＂Aunty, 知道您打緊牌，妹妹同我有個問題想問，您愛妹妹定愛我多啲?＂
＂哈哈哈，梗係愛妹妹多啲啦!＂
＂知道，唔阻您啦，拜拜!＂ 尚未掛線，＂妹妹，aunty 話愛我多啲喎，哈哈!＂
林以諾牧師於楝篤笑音樂佈道會上送我們珍貴二字 ＂無聊＂ 是建立關係的泉源。
四個女人湊在一起攻打四方城，小朋友們閙著玩。。。
無聊就是這樣吧! : )
後記：溫哥華影音使團主辦林以諾博士大型楝篤笑音樂佈道會 2012 YEAH SHOW 兩場全場爆滿，秩序井然，當日所有義工，保安應記一功!
2012年9月17日星期一
2012年9月16日星期日
2012年9月13日星期四
長壽是否福氣?
查經班姊妹安排午餐聚會，席間大家互相問好。。。
其中一位近年經常往返港加的姊妹說：＂無法啦，媽媽年紀大要留在她身邊照顧!＂
＂伯母年紀有多大?＂其中一位姊妹問。
＂98 歲，佢家姐 99歲依然健在!＂
＂嘩，咁您都會好長壽喎!＂
＂千祈唔好!＂
。。。衆人不解。。。
＂首先，食，係一個問題：喜歡食嘅種類多，但可以食嘅小。我媽媽喜歡食鮑參趐肚，但係有痛風，血糖又高，好多嘢都唔食得。身體健康唔輪到您認叻，睇住媽媽一曰不如一日，老人家唔跌得，有工人照顧都冇用，跌倒時工人都唔知去咗邊。錢，又係一個問題，佢無記性，唔可以畀錢佢，怕佢畀人呃，唔見咗我哋亦唔想頼工人，於是媽媽會時常問：'我啲錢呢?' 只可以話佢知啲錢喺銀行! 三個工人輪流服侍，我先至有時間行開行埋咋。唉，見到佢咁，我都唔想長命百歲!＂
。。。咁富貴都咁閉翳，窮人點算?!
今時今日，四、五十歲好年輕，六、七十歲算壯年，長命超百歲，是否福氣?
2012年9月12日星期三
2012年9月11日星期二
2012年9月10日星期一
2012年9月7日星期五
2012年9月6日星期四
2012年9月5日星期三
2012年9月4日星期二
欲罷不能
今天午飯後約了妹子趕去會展中心，因為某時裝品牌在那裡有一個大型的 warehouse sale。
今日是 sale 最後一天，又逢假日，所以客似雲來!
場館內貨品滿佈，雖然雜亂，無減各人購物興致，滿場揀選適合貨品。
在共用的試身室內，各人忙著試穿之餘，要小心被人拿去自己，已揀選或未試穿的衣物。。。
＂唔好意思，呢啲衫係我哋嘅!＂心言跟妹子不下三次向嘗試拿走我們衣物的人說。
員工在試身室內將客人試過的衣物整理好再推回場中，所以客人亦會貪方便再在試身室內整理中的架子揀選。
心言在離開試身室途中就試過兩番選中衣物給妺子，還笑說：＂行極都行唔到出去!＂
最後結賬時大排長龍。
排隊時，心言仍然可以在一旁的枱面貨品中找到一頂帽子 $65，減至 $9.9，妺子說：＂好看啊，也給我拿一頂，唔該!＂
簡直是欲罷不能!
2012年9月3日星期一
2012年9月2日星期日
弟弟真好
＂妹妹，呢個 3-drawer chest 啱你用喎，$99 減到 $69!＂ 心言看見減價傳單，高興地說。
＂好哇，我都覺得啱用，價錢又實際!＂
於是買了回家!
問兒子：＂明天同 Brian 幫妹妹一齊砌好個櫃，好嗎?＂
＂要星期二才可以，因為明天早上同 Brian, Stanley 去 Kamloops 探阿 Corn, 佢喺嗰度讀 law, 放假想我哋去探佢，星期一晚至返。＂
＂啊，咁幫媽咪同佢 say hello 啦, 小心開車!＂
今晚飯後，年青人相約去看電影，弟弟在旁聽見，就對心言說：＂家姐，我反正得閒，可以替妹妹砌櫃喎。＂
＂個盒好重，仲喺我車尾箱未攞出嚟，兩個人唔夠力，都係等佢哋做喇。＂
"唔緊要，拆開個盒，逐塊攞入屋，宜家嘅櫃應該唔難砌，一於咁話!＂
終於，兩個半小時之後，大功告成。。。
弟弟真好!
訂閱：
文章 (Atom)